Sad Love Ghazal in Urdu Jub Tasawur Mera Chupkay Se Tujhy

جب تصور میرا چپکے سے تجھے چھو آئے
اپنی ہر سانس سے مجھ کو تیری خوشبو آئے

مشغلہ اب ہے میرا چاند کو تکتے رہنا
رات بھر چین نہ مجھ کو کسی پہلو آئے

جب کبھی گردشِ دوراں نے ستایا مجھ کو
میری جانب تیرے پھیلے ہوئے بازو آئے

جب بھی سوچا کہ شبِ ہجر نہ ہو گی روشن
مجھ کو سمجھانے تیری یاد کے جگنو آئے

مجھ سے ملنے کو سرِ شام کوئی سایہ سا
تیرے آنگن سے چلے اور لبِ جو آئے

اس کے لہجے کا اثر تو ہے بڑی بات قتیل
وہ تو آنکھوں سے بھی کرتے ہوئے جادو آئے

Jub tasawwur mera chhupkay se tujhe chhuu aaye
Apni har saans se mujh ko teri khushbuu aaye,

Mashgala ab hai mera chaand ko taktay rehna
Raat bhar chain na mujh ko kisi pehluu aaye,

Jub kabhi gardish-e-doura­an ne sataaya mujh ko
Meri jaanib tere phailay hooway bazoo aaye,

Jub bhi socha ke shab-e-hijr na hogi roshan
Mujh ko samjhanay teri yaad ke jugnuu aaye,

Mujh se milnay ko sar-e-shaam koi saaya sa
Tere aangan se chalay aur lab-e-juu aaye,

Os ke lehjay ka asar tou hai badi baat “Qateel”
Wo tou aankhon se bhi karta hoowa jadoo aaye